hoi du
gots dir guet? han gläse du hesch no untersuech gha...
wüssed ihr eigentlich was es git? (sorry bin neugierig ;-)

hallo! jo, mir got's super ;-) mir wüsset's schon lang, dass dr valentin es briederli überkunnt! es wird worschiinlich een klaine benjamin! es isch im vergliich zum valentin en ganz en "wilde" und en quer-lieger! got's euch guet? ha mängmol scho no respäkt vor em läbe denn mit 2 kliine kids! glg véro

soso, en querschleger - und das jetzt scho *ggg* nomol es büebli - so schön....
eus gots guet - mängisch isch es scho asträngend mit 2 so chnöpf, aber irgendwie gwöhnt mer sich u schnäll dra. d lisa isch ide letschte paar wuche sehr unzfriede gsi - het viel brüelet - het amig nid chönne gaggele. sit 3 täg isch es aber viel besser und ich hoffe mir händs schlimmschte überstande. hüt het sie sich fascht dreiet, mal luege wie langs no got... de fabian isch jo so nen fuule kerli gsi, de het sich erscht mit 5 mönät serschte mal dreiet ;-)

d'lisa isch jo scho 3 mönet, ha grad grächnet - d'zyt rast! ich glaub, maitli sin in allem e chli schnäller als buebe, nit? wenn dr fabian e fuuls kerli gsi isch, was isch denn dr valentin *g*? mit 7 mönet s'erschti mol drait und er lauft jo immer noni (bald 18mte). das isch grad sehr miehsam, denn krabble will är aigentlich au nümm und so holt är immer mini finger und will laufe. är duet mir denn leid, well är so gärn möchti und wäge sini schwache muskle nit ka - ät stoht au noni allai. d'therapeutin het aber gmaint, är würdi sicher no vor dr geburt allai laufe. drfür schwätzt är jetzt wie e papagei, s'luschtigschte isch z.z. "goooll", kuum gseht är en ball!

jo die eine sind halt chli früehner, die andere chli spöter... drücke dir düme dass de valentin lauft bis eue chli schatz uf d wält chunnt...
gäll, isch u härzig wenn sie so quasslet - de fabian schwätzt so viel, dass ich mängisch würkli fascht chopfweh überchume, vorallem bim autofahre *ggg*
jo, d zyt rast würkli wie verruckt - wirsch gseh, bim 2te hesch irgendwie no sgfühl dass es no schnäller got....

dass d'zyt rast gseht ich scho an dere ss... han grad gläse dass du nach rust gosch - so lässig und mit em fabi ganz allai? wenn dr baldwin wäg isch (wie jetzt wieder) denn schloft dr valentin immer bi mir in unserem bett :-) är waiss es denn immer scho und freut sich, so härzig! und ich bi weniger allai! bliibt d'lisa denn bi dine eltere? s'isch scho toll, wenn me eltere het, wo gärn grosseltere sin. ka ich leider bi uns nit behaupte.... im notfall sin mini eltere immer für uns do, sunsch hän si dr valentin aber no nie ghietet, no nie vo sich us ko, leider. sie finde, är sötti dr ganzi tag im laufgitter si und sigi sunsch zu asträngend *sniff*. ich waiss nit emol, zu wem är got, wenn ich ins spital muess - är het no nie nömet anders gschlofe. wohrschiinlich zu mine nochbere / fründe... glg véro

jö, das isch würkli herzig...
jo, ich gange mit em fabian ganz elei und freue mich MEGA. han em gseit dass mir dörfed fernseh luege bis mer ischlofed *ggg*. d lisa isch morn de ganz tag bi mine schwigis & min ma got sie denne wieder go hole am obig. sie hüeted sie jetzt s erschte mol und freued sich sehr druf.
das isch schad mit dine eltere... mini lueged u viel. de fabian isch immer vom zischtig bis mittwuch obig det & das total gern. sie findets zwar mängisch au chli stressig mit ihm, gnüsseds aber au.
ich würd ems eifach gnueg früeh afe erkläre, dass er wenns mami is spital muess wägem baby er denne zu öbberem got... die chline chnöpf verstönd das ganz guet.
so du, muess no fertig packe ;-)
grüessli & heb der sorg.
angie

kuul, de bliib ich doch au no es minütli ;-)
händ ers guet?

nöö....
S'Griitli isch immer am jammere (wahrschiinli wäg dä Impfig) und dä Valerio hätt hüt offebar 39,7 Fieber gha (er isch bi dä Chrischtine gsi...) Ohjee... hoffentli isch dä Schpuk morn verbii...
Hätt d'Lisa au chli än blöde Tag gha nach dä Impfig?

hoi du
oje... ich han ebe irgendwie sgfühl dass sie so hässig gsi isch sit ich sie gimpft han.... de smü und ich hend das ämu öbbe so im ziitgfühl...
hoffe dass sich das bi de julia gli wieder leit.... d lisa het MEGA viel gschlofe a dem tag wo sie gimpft worde isch.
im momänt isch sie gottlob sehr guet zwäg, lachet viel & das gnüss ich (die nächscht impfig chunnt jo gli ;-)
de fabian het emfall vorgeschter (wo mer vom geburi hei cho sind) au plötzlich so höch fieber gha.. han gmeint er hebi en sunnestich... geschter het er plötzlich so ne komische usschlag ade fuessohle gha - bins hüt go zeige & er het en infektion... mer probierets jetzts mit kamille bädele & hoffed dass es so wäg got....

ooohhjeeee.... hofentli bliibts nöd eso lang bi dä Julia!!!
Ah ja - ä Infektion?? chönnt ja na vo dämm Bedli sii - das Wasser hätt ja nöd würkli suuber uusgseh... Super... Na hätt dä Valerio "nur" Fieber... ich han ebe na chli Schiss dass es wäg dämm Spiese von er da gha hätt (und ich behaupte dass es na was drin hätt und dä Dokter meint nöd) chönnt sii... Entzündig oder so...

kei ahnig, chönnt glaub scho vo dem sii.... s guet isch es bisst en nid, und vo dem her isch gsehts me wüescht us als es ihn stört...
wie gots de im valerio hüt? het er immer no fieber?
drücke dir au düme dass s'julchen nid so lang hässig isch wie euses lisi ;-) sie het sich hüt übrigends fascht vom rugge uf de buch dreiet.. mal luege wie langs de würkli no got bis sies schafft ;-)

er hett ebe hüt Fieber übercho...
d'Alissa hett ebe am Mäntig au so än Tag gha wo sie höch Fieber gha hätt und am nächschte Tag isch es eifach verbii gsi...
Ja was? scho am umedreie s'Lisi?! Nöd schlächt! D'Julia schiint glaub nöd ganz so "ehrgiizig" z'sii wiä dä Valerio.. sie isch amel nöd so arg am turne... uf d'Siite cha sie sich scho ganz guet dreie und s'Grindli (i Buuchlag) hebt sie au scho äs paar Minute (foif oder so ;-) bis sie dänn aafangt chötzle und sie ganz erschöpft s'Grindli im Kötzlete ableit... *pfuiteifel* ;-)

ich glaube so ne fuule kerli wie de fäbu wird sie nid... s chan jo aber glich no es paar wuche go bis sies de schafft - mal luege.... sie hassts ufem buch zi.... muess glaub au sones fich vor ihre anetue mit grosse auge (bin uf eure HP gsi) gseht jo sooooo härzig us...
igitigitt.... das isch minere kollegin au mal passiert, aber die het usemene andere grund kötzlet *ggg*
sorry, han gmeint er heb geschter fieber gha... hoffe dass er morn wieder ganz fit isch...

Hei - du bisch aber würkli öppe emal uf dä Valo-Page.... das han ich geschter Abig inegschtellt (geschter isch es uusnahmswiis mal gange)
D'Föteli vo Euisne zwei grosse im Pool bi dä Sonja sind übrigens mega härzig worde...
lach* aber diini Kollegin isch ja wahrschiinli au älter wiä 2 Mönet gsi, oder???

jo, gange immer wieder mal go stöbere bi dir ;-)
chasch mer d föteli vo eusne 2 kerlis no schicke?
hihi, jo sie isch det 16 gsi und s erschte mal mit mir und de melanie ide ferie... das isch nid so eifach ;-)

Jetzt bisch immer na da???
Also ich schick ders... wänns gaht... wäg dä Grössi....

ich versuäch d'Valo-Page upzdate... aber s'gaht eifach nöd... immer so beknackti Fählermäldig.....

han scho ghört dass das MEGA müehsam isch bi unserbaby....
so du, ich muess no fertig packe & de gangi go pfuuse - de smü isch wieder mol amene notfall isatz :( debi wär hüt de einzig obig gsi womer beidi dihei gsi wäred.... jä nu.
pfuused guet & bis am zischtig.
gisch dine 2 chline schätz en schmatz vo mir...

Also dänn - viel Spass in Rust!!!!!!!!
Ich bin hüt Nacht allei (dä Andy hätt Company-Meeting und hängt ufem Bürgestock und gnüsst s'Golfspiele diä Kröte ;-)
Hoffe ich miini Kids schlafed brav!
glg
Simona
bis spötischtens am Ziischtig

drücke düme dass sie guet pfuused...
tsts, die manne... wart nume, bald gönd mir de mal es paar tägli wäg....
pfuus guet & bis bald.

Hoi Simona
gäll, immer dänn wänn mer öppis wott " mechä ", gaht`s nöd. Isch mir au scho öppe passiert und hät mi amel stinkig gmacht!
Liebs Grüess
Sarah

Nei - ehrli... es isch efäng jedes Mal so.... gurkt mi richtig aah.... Und me cha ja nöd emal Druck mache bi dänne schliässli isch es ja gratis...
Muän das glaub mal dänne zuästupfe wo dehte tüür Wärbig platziered *grins*

Ich sött scho lang eusi Page wieder mal aktualisierä. Doch chumm ich überhaupt nöd derzue. Irgendwänn wird`s mi dänn scho wieder packä.... und dänn, gaht`s ganz bestimmt nöd.... ha ha ha!
Gahnä immer wieder gärn go luegä bi Euch - Du gibsch Dir so e Müeh. Gseht echt toll uus!

Ja - muäsch luäge... es wird nöd gha... Mischt!
Ich bin ebe au nümme so aktuell.... Nöd nur wäg dä techn. Problem... ha ja kei Ziit meh... Aber es macht mir halt immer na Spass und es göhnd viel Verwandti und Bekannti vo Euis dehte go luäge.
Wiä gahts Dir? Gömmer jetzt mal an Pfäffikersee?

gömer jetzt sicher doch mal an Pfäffikersee!
Ab übernächster Wuchä hämer Ferie, d.h. de Raffael hät Ferie ide Spielgruppe. Dänn hämer nöd so Programm - mir gönd ja erst Endi August zwei Wuchä uf Südfrankriich id Ferie.
Möchtisch scho es Datum reservierä? Ussert am Dunnschtig gaht`s mir die säb Wuchä immer.
Eus gaht`s sowiet ganz guet - mir gsundheitlich leider nöd so, doch das ghört jetzt nöd da anä. De Chinde gaht`s guet - de Severin isch mega aasträngend im Momänt, da er so goisset und ich amel schier im Rote trülle. Und ebä, die liebi Zyt.... so här näh, wänn nöd stähle....?!
Also wie wämer verbliebä?

Hei ja - diä Täg gönd ja so unglaublich schnäll verbiii... und meh hätt nix gscheits gmacht dä ganz Tag... (amel ich ;-) Ich weiss nöd öb das andere Fraue au so gaht: aber zum Poschte (Migros) gaht bi Euis än halbe Tag druff... Alli Chind aalegge, wickle... Julia stille, Valerio überzüüge dass er doch bitte söll is Auto iigschtiige, Julia im MaxiCosi verstaue, d'Iichaufstäsche won ich im EG vergässe han go hole, in Migros fahre, PP suäche, Iichauf im Migros und Valerio immer wieder säge dass er siiis chliine Wägeli söll bitte mitnäh und ihn beruhige wänn er mal keis Würschtli überchunnt bi dä Metzg (will mir kei Fleisch poschtet), etc. ;-)
mmhh - so und jetzt wirds würkli kompliziert... *lach*
also - übernächscht Wuche wär abem 17. oder?
Mir chönd äs Datum reserviere - und ev. na churzfrischtig entscheide (vo wäge Wätter und so...) Ich han dehte au na nüüt ussert dass dä Valerio amix am Mäntig/Dunnschtig bi dä Tagesmuetter isch... aber villicht gang ich dänn am Ziischtig-Namittag is Rückbildigsturne dänn würd usem Mäntig dä Ziischtig wärde... Chunsch druus? *lach*
Also - Mittwuch 19.7. oder Friitig 21.7...?

kompliziert oder umfangriich wird eusi Posterei au immer. Han müesse grinse...! Drum gahn ich am liebschtä, wänn de Raffael ide Spielgruppe isch und ich elleige mit em Severin chann gah. Oder hüt ganz elleige, da min Maa no Ferie hät ( jetzt im Uusgang isch ).
Also dänn resevier ich mal de Mittwuch resp. Friitig i säbere Wuchä, okay? Mer gsehnd ja no wo und wänn mir gnau abmached, gäll. Bin scho es Wiili nüme am Pfäffikersee gsi, da mir glich guet 30 - 40 min dete ane händ zum fahrä.
So jetzt gahn ich aber mal en Stock höcher!
Freue mich Dich und Dinä Kids bald kännezlehrä!
Pfus guet und en liebä Gruess
Sarah

ich gange gärn mit beidne Chinde... will dänn han ich dä Valerio än halbe Tag beschäftigt ;-) und ich chan d'Julia chli im BabyBjörn gnüsse....
Also guet - Mittwuch/Friitig isch au bi mir reserviert.... Mir chönd ja au noimet anders anegah... Gsehmer ja dänn...
Freu' mi au Eui (ändli) mal kännezlerne!
Pfuus au guet!
glg
Simona