Hoi Stridilein
Du, Du häsch immer so spezielli Idee han morn e Grillparty und mache es paar Salat dezue häsch en spezielle wo Du gern machsch so als Idee und häsch en Tipp bez. Rueblisalat wie ich dä chli han ufmöble mit Nüss oder so... Und alli wiiteri netti Tipp für chli was Speziells bi Grill-Party? DAAAANNNNNNNNNKKKKKKKKEEEEEEEEEe bin so Ideelos hüt und sött ja go poste....

also ich würde einen griechischen salat machen, einen spargelsalat (grüne und weisse, knackig kochen und mit ital. sauce und parmesansplitter garniert servieren), einen kichererbsensalat (mögen vorallem frauen) und noch einen couscous (gibts als fertigmischung in der migros)
rüeblisalat mache ich immer stinknormal
dazu könntest du noch eine scharfe sauce und ein tsasiki zum fleich reichen
lg astrid die jetzt in die mittagspause geht ( ab 13h00 wieder da)

aber wie macht man einen griechischen Salat? Couscous mag ich nicht mache Reissalat hihi Danke für Dini Tipps

zuerst gurken schälen und salzen. ca. 2 - 3 stunden ziehen lassen und das sich gebildete wasser abschütten. danach tomaten schneiden und daruntermischen. entsteine oliven (ich würde schwarzen wegen der farbe) dazugeben und gewürfelten fetakäse beigeben. viel zwiebeln und knobli dazugeben und mit ital. sauce anrichten. kann man auch noch am abend wieder servieren und gekühlt auch am nächsten tag.
en guete !
lg astrid

Mich mal einmisch *gg*
Hoi hoi du :o)
Also Rüebli- Salat chan mer mit Öpfelstückli ufpeppe .. .mmmh Rissalat hani hüt grad zum Zmittag gha yammy
Ich mach drzue amel Herdöpfel mit Olivenöl ischmiere es ästli rosmarin dezue und id folie ipacke ... dänn machi amigs zahstocher mit chery tomätli, chugeli mozarella und z oberst es stückli basilikum blatt so wie es türmli richte alles ufeme täller a und duen dänn olive-balsamico sauce unde in täller innemische...
wie gahts eu süscht so? dä jan immer no so wild bim wickle?
bi üs isch u komischs wätter ....
greezli us züri

Hoiiiii
Da isch au komischs Wetter das heisst eigentli eifach bewölkt und ganz es liechts Windli, wasi aber grad chli ahgnehm finde wenni da im Büro hocke i mine fast Shorts und Top und FlipFlops hahahahaha han gmeint hüt werdis wieder 30 Grad ;o) Dä Jan isch immerno so wild und nöd nur uf em Wickeltisch, dä hät kei ruhigi Minute und den schlaft er wieder schlecht, verwacht mal i dä Nacht und am Morgä mega frueh, egal öb frueh oder spaht im Bett... aber schieb das mal uf d'Wärmi ;o)
Oh gueti Idee mit Tomätli und Mozarella hani au scho mal gmacht wäri aber nöd druf cho das z'mache. Ja Riissalat LIEBT dä Stéph und da ich morn schaffe chani ebe viel hüt Abig scho vorbereite drum au Rueblisalat (gueti Idee mit Öpfelstückli also Stückli gäll nöd riibe wie dä Salat?!) Jaja hans morn streng mit mine viele Gäst und Grossliinwand ufstelle und Match luege hahahaha freu mi mega gange aber bestimmt VIEL fruehner Hei vom Gschäft hihi, wie au hüt muess ja no go poste :o)) Und bi Dir alles bestens? Liebs Gruessli Katia

Guguseli
He he ja han mi hüt Mittag Dihei au umzoge bin au so voll in Sommermontur is Büro cho :o) stimmt dä Wind und die frisch Luft sind eigentlich sehr agnähm muen dänn Dihei alles durelüfte das es die Nacht nümm so typig isch im Hus!
D öpfel nöd wie d rüebli riibe sondern so chlini viereggli schniiide :)
Du weisch was isch mir no in Sinn cho wasi amigs au no mache...Baguette ganz viel schiibe schnide und mit knoblauchbutter vo dä migros z.B bestriiche und ab ind ofe mmmh (wännd natürlich ziit häsch sälber chnobli butter mache) und was au chasch sind tomate, basilikum und chli zwieble (je nach gschmack vo dä gäst) chli würfle mit chli salz pfäffer und oliveöl mixe , s brot ebe z.b es baquette fiin schible in ofe tue bis knusprig sind und dänn miteme Teelöffeli überall chli drufschmiere ... = bruschetta kännsch sicher :o)
frischs gmües chasch ja au dezue mache zuchhetti schibe , peperoni alles chli salze und mit oliveöl beschmiere und ab uf dä grill...
ja ja das wird e gueti party ich weiss es :o) du machsch das guet!
Mir händ ja Mami usgang und lueget sicher au irgendwo chli match "hoppschwiiiz"
Oh je dä Jan .. also das wäg dä hitz isch sehr guet möglich!
d livia hät wänn sie ide nacht mal verwached au total müeh wieder izschlafe ...und am morgä ischs ihre z hell muen jetzt hüt mal sones verdunkligs tuech provisorisch ufhänke...
Mir/üs isch alles okay s raserli stramplet kickt und boxt flissig :)
Greezli
p.s sorry fürs gross / chli schrib gemix

ICH HASSE KNOBLI hahahahaha aber die meiste händs gern stimmt scho (dä Stéph LIEBTS hahaha) und Bruschetta machi emig au das findi mega fein... Ja und s'Gmues hani au überleit und den denkt das nimmt z'viel Platz uf em Grill hihi weiss nonig mal luege... mache eh immer z'viel ;o)
Ja so es verdunkligs Tuech hani ebe au montiert am Ahfang wos so hell isch worde... han es Tuech kauft unde und obe e Naht gmacht mit herzige Stoffbluemli bestückt und als Vorhhang anere Stange mit Klammere ufghänkt, nützt glaub scho au chli... naja wird wieder besser isch nur e Phase hihi das trösted doch :o)) So jetzt packi mini siebe Sache und düüse ab hihi. LG und DANKE Katia

okay so professionell machi das tuech also nöd ich hänk eifach es alts verfäddelets tuech mal here so als test...:o) han eh chli en krach mit minere nähmaschine han eifach kei geduld jetzt woni eini han ... sie macht eifach nöd das woni wott *gg*
hei also schöne fiirabig!
und ja gmües nimmt leider sehr viel platz ufem grill wäg ...aber ich meega fein und xund :o)
grüessli
nadja