Ohjeee nei ehrlich.... Du Armi und natürli arme Raffael... Wie sind aber Dini Termine gsi, Rugge - Ernährigsberaterin? Hoffe Du hegisch das alles chli gnosse, bis uf den wo Du d'Huustür uftah häsch :o( Bi eus isch wieder d'Höll los, d'Sofia tuet wieder saublöd würkli so dass ich wieder nüme mag... *das mich chli truurig stimmt leider* Han so Freud gha dass mir wieder chli zuenand gfunde gha händ und sie die Phase uf d'Siite gschobe hät aber nei Du sit em Sunntig isch wieder voll Schissig.... Dä Jan dä armi Knopf chunt wieder Zähnli über hät wieder fast es bluetigs Füdli und isch natürli schlecht gluunt und den isch gopf nomal wieder schissi Wetter... mir händs gestert so mega gnosse... jetzt gsehts us wie im tüüfe Winter, han no Föteli gmacht.... Tja morn dörfi zum Glück go schaffe und am Abig hani no Sitzig vom Gschäft chume also erst Hei wenn alles (hoffentli) schlaft... Wünsche Dir e gueti Nacht, hoffe es göchi em raffael besser und ihr chönged alli über NAcht Energie tanke. LG Katia

Liebi Katia
mir händ e gueti Nacht gha - erstuunlicherwies! Ich han dänkt das git`s ja nöd - am morge isch er zwar scho am 05.30 ufgstande... ächz, stöhn... aber topfit und ohni Fieber. Hüt morge isch er au bestens zwäg gsi - jetzt han ich ihn aber is Bett gsteckt und bin gspanne wie`s nachem Mittagsschlaf uusgseht - ob s`Fieber ev. nomal chunnt. Bräche hät er nüme müesse!
Weisch ich bin mir jetzt glich nöd im Klare, ob er würkli en Chäfer verwütscht hät und drum nöd fit gsi isch oder ob`s wäge mir gsi isch, dass ich furt gsi bin und ihn nöd han chönne hole. Er hät scho öppe mal mit Fieber reagiert, wänn er gwüsst hät, s`Mami chunnt spöter hei, oder ebä au dete wo er mal zum Grossmami hät dörfe - magsch Di viellicht erinnere.
Er isch halt trotz em grosse Muul chli en Sensible....?!
Du bi Dir tönt`s ja au chli knatschig, gäll. Hm, tuet mir leid. Grad wo Du doch jetzt so e gueti Phase mit de Sofia gha häsch! Ich weiss wie`S isch ( chlinä Troscht, gäll ) aber eimal meh muesch Du da dure!
Häsch hüt hoffentlich chli de Friedä im Büro, gäll. Und d`Sunne lueget doch au wieder füre?! Bi eus hät`s de Schnee scho fast wieder ganz wäg gno und d`Blüemli strahled wieder. So schön.
De Ruggetermin gester isch sensationell gsi - ich glaube jetzt hämer de wundi Punkt würkli gfunde. Nachdem d`Physio ja 2x eifach d`Muskle durknättet hät - was mir au guet ta hät - han ich dänn eifach gfunde es muess no öppis anders ume sii! Jedefalls isch bi de Beckistellig no öppis schief... hi hi...und das tüemer jetzt behandle.
D`Ernährigsberatig isch guet gsi... es würi jetzt da de Rahme spränge, wänn ich alles wetti verzelle. Aber ich hoffe, dass ich da de Rank finde und han morn scho wieder en Termin. Meh mal ime Mail, okay?
Hoffe es gaht Dir hüt chli ringer und en liebä gruess vo mir
Sarah