hallihallo
da bini wieder. bin also hüt bi dä fä gsi: eusem brösmeli gahts tiptop! alles ziitgerächt entwicklet und es isch jetzt ca. 450 gramm schwer. entspricht total dä ssw! *freu* s gschlächt isch leider nöd feschtzstelle gsi. *grmpf* jetzt erfahred mir das erscht i 7 (!!!!) wuche (wänn's dänn richtig liiht). han erscht am 16. auguscht wieder termin. vorher sind eusi ferie und dänn no die vo dä fä. *süfz* tja, i de ferie fanged mir also mal a, eus über näme z underhalte! :o)
guk vo eus, brösmeli

...s'Brösmeli spielt versteckis jöööööööööööööö! Schön isch alles bestens und so muesch au Du chli Geduld ha 7 Wuche sind schnell ume hihi. Gsehsch s'Brösmeli wött gar nöd dass mer ihm zwüsched d'Bei lueged hihi es Schlaumeierli oder e Schlaumeierlinä! Hauptsach es gaht Dir und em Brösmeli guet *freu*.
GuK Katia

jaja, die brösmelis mache halt scho was sie wei. mir si ds letsch o nüme sicher gsi was jetzt wird. het sech nie rächt wölle präsentiere. aber vermuetig isch nahe gläge dass es meitschi wird.
jä nu, wenigstens isches gsund, gäll! gniess es mitem brösmeli drine!
liebe gruess o vo üs
simone und satine

hoi brösmeli
ja ja scho rächt die grosse müend gar nöd immer wüsse was es git :-) ich han au immer versteckis gspilt min daddy hetts gärn gwüsst s mami häts lieber nöd gwüsst und dä fa hät schüch uf meiteli tipped s mami hät gfunde sie vertraut erst ihrne eigne auge nachdem ich gschlüpft bin. und woni gschlüpft bin hät sie ganz vergässe z fröge was ich bin sie hät erst nacheme wiili plötzlich zum daddy gseit jööö es isch ja es meiteli und woni binere im arm gläge bin hät sie mir dänn s erst mal min name gseit im buch bini wie du s brösmeli bisch immer s möckli gsi.sie seit mir jetzt mängisch bim schmüsele no möckli das hani u gärn.
hei mis mami freut sich riesig, dass es dir so prächtig gaht und em mami ja au!mis mami isch au immer so ungeduldig gsi sie hett am liebste sones *iminihöliinneguckgrät* i dä stube gha und die ganz ziit bi mir innegüxlet ja sie isch süchtig nach dem grät gsii!bildli hät sie au gsammlet und all i mis "im-buch-tagebuech" inekläbt.
oh schön dänn dörfsch erst no id ferie hani au dörfe ich han sogar dörfe flugi flüüge ja ja no so chli und scho am reise *gg*
stramplisch em mami vor luter mini-shiny nöd d organ k.o gell :o)) mir freued eus au riesig ufs mini -shiny!!!
dim mami no en churze arbetsnamittag und dir ganz e schöni ziit i dinere warme 1zi-wohnig!ich säg ders wännd usechunnsch brrr ischs dänn chli anderst :-) wännd hunger häsch muesch brüele dasd öppis überchunsch hehe dicke schmatz dini livia wo grad mitem daddy am shope isch :o)

ciao livia, ui das isch dänn schön, dass du mir schriebsch! ...und das, obwohl du fascht kei ziit häsch (shopping mit em papi muesch doch gnüsse)! säg emal, wie isch das so, wänn 1 tag i de wuche dä papi ganz für dich allei häsch? weisch, min papi möchti das dänn evtl. au so mache, dass er 1 tag i de wuche mit mir allei verbringt. hoffentlich klappet's; er isch glaubs ganz en liebe!!! nei, nei, ich passe scho uf, dass ich s mami nöd verletze. han sie ja schliesslich uuuuuu fescht gern! :o) aber ich freue mich ebe mega, dass s mini-shiny unterwägs isch. aber ich finds u cool, dass es dänn au es paar pinki-girls git, wo ich hoffentlich bald emal kännelerne dörf! so, jetzt seisch dim mami au en liebe gruess vo mir; gnüssets s weekend. schmatz, brösmeli

ja also min daddy isch urplötzlich mit derä idee cho s mami isch gar nöd drus cho will min daddy sich nöd so als baby liebhaber gäh hät ;-) aber chum bini da gsi sind d emotione duregstartet und er hät gfunde, das er mich meh als nur am weekend und am abig wott gseh, knuddle und gnüsse.er hät grad job gwächslet gha und dörte bim astelligs gspröch die idee mit 80% mal iibracht die händ das e gueti idee gfunde und jetzt isch das mal für es jahr e so.min daddy hät amel chli buchweh vorem friitig *gg* aber wänn s mami am morge dänn gange isch dänn gnüssed mir enand, kuscheled nochli im bett und dänn planemer dä tag mängisch lütet er em mami a wänn er sich nöd sicher isch wäni hunger han oder so aber er macht das vo friitig zu friitig besser!hüt simmer mitem fabian (vo dä ami-2) und sim daddy unterwägs am shoppe. mir gnüsseds total dä papi macht mit mir au ganz anderi spieli wies mami er treit mi anderst er traut mir mängisch au chli me zue und er hät viel es grössers feeling für mich als wänn er mich nur am abig echli hett. am abig bini mängisch chli hässig und müed und so kännt dä daddy au wieni dä tag dur en sunneschii bin wür er mich nur am abig gseh chönnt er meine ich sig chli e zicke hi hi
du mis mami wür gärn dis mami mal nach eune ferie kännelerne resp. träffe am grifesee oder so !!!min daddy het weisch wie freud wänn dänn du mit dim daddy mit üs öppis unternäh würdet min daddy isch ja dänn scho dä profi :o) min daddy hät immer am friitig frei.schmatzis livia

ui, das tönt alles u spannend. jetzt sind's no ziemlich genau 4 mönät, dänn chann ich die wält, wo du von ere verzellsch, au diräkt kännelerne. im buuch vom mami isch es zwar mega gmüetlich und agnehm warm, aber mängisch nimmt's mich halt scho wunder, was mich da usse genau erwartet. also mis mami würdi sich au sehr über es kännelerne vo dir und dim mami freue! chasch ihre usrichte, dass ich ab em 20. juli wieder us dä ferie zrugg bin mit em mami. dänn chönnts ja villicht mal was abmache zäme. übrigens: mis mami verhandlet au grad mit dä sofia ihrem mami wäge me träffe! :o) grüessli us em buuch, brösmeli

...das isch also so nöd will ich älter bin als ihr muend ihr mich uslah gälled... also wenn mis Mami sich endlich mal chan entscheide wieder uf Züri z'cho den liit eme Treffe mit Eu zwei suesse und eune Mami nüt meh im Weg, ich tuen sie den chli stubse dass sie am Wucheendi dä Terminkalender durenimmt... und den tuend mir eus melde, so jetzt hani den gli s'Mami wieder für mich sie hät gseit jetzt stelli sie dä PC ab :o)) juppppiii... tschüssli zäme und Bisous (Küssli uf französisch jajaja) Sofia