hoi zäme
das muen ich jetzt also unbedingt schnäll loswerde: dä liam hät vor 2 wuche es neus bett übercho. geschter hämers dänn endlich gschafft, s neue bett mit allem drum und dra im zimmer so izrichte, dass es "schlafbereit" gsi isch. mir händ am liam sini lieblingstierli, etc. vom gitterbettli is grosse bett übere ta und er hät dörfe im neue bett schlafe. de zwerg isch total ufgregt gsi und ganz gischplig vor luuter freud. hihi... dä papa hät dänn öpe während einere stund müesse bi ihm im bett liege und dä liam hät gredet wie en wasserfall (kei ziit zum schlafe...). ;-) wo er langsam ruhiger (=müeder) worde isch, händ mir ihn nomal schön zuedeckt, guet nach gseit und ihm gseit, er sölli jetzt schlafe. ER ISCH KEIS EINZIGS MAL UFGSTANDE UND USECHO!!!! nach 10 minute hät er gschlafe (die ganzi nacht dur) und hüt morge isch er erscht ufgstande, wo ich ihm dä schoppe bracht han am 07.45!!!! ISCH DOCH MEGA COOL, ODER!!? :-) sorry, han ich eifach müesse loswerde! hihi...
so und jetzt mueni go luege, dä luke brüllt im laufgitter... evtl. chumi spöter no dezue neui föteli is profil ztue.
glg
ariane & d jungs