so, jetzt hani grad no gässe und bin wieder da :o)
und ich han wieder keis magnum white gha :( will au usem sortiment gnoh *grummel*
somit hani jetzt die 5 umliggende kiosk abklapperet und alli händ das glace nümm ... muess dene glaub schriibe *motz*
oh jetzt händs im radio für hüt abig räge agseit und morn veränderlich ... morn simmer doch am hochzit iiglade *gradnomalmotz* :o)
wie du gsehsch bin ich bester "motz" luune :o)
wie gahts dir?
greezli nadja wo grad chönnt ischlafe...

hmm luege grad so uf feriesites ume was es so git.
entweder chlini ferie mit de kids und mir gönd nomal churz id usa oder feini grossi ferie mid de kids. bin grad bi
mexico blibe hange...seufz und schwärm.
sitze mit nektarine und wasser da. glace verbote.
und häsch jetzt es chleid? und öpis kitschigs?
grüessli

oh ja ferie luege dueni au immer gärn :o)
hämmer erst grad wieder hüsli gsuecht für nöchst jahr herbst 2007 gömmer wieder alli zäme (simona-11, ami & d cousine vo mim schatz) id toscana *froooi*
isch eifach nümm so eifach mit sovielnä kids :o) so simmer jetzt dänn 17 menschlis he he
oh mexico dörte möchti au mal here aber dänn ohni chind ... ja isch no schwierig ob chlini ferie mit kids defür sälber nomal es reisli oder cooli grossi ferie all zäme wüsst grad au nöd wie entscheide!
also nektarine und rüebli hani au da...han jetzt aber meh lust uf chips ha ha
yep ich han en schwarze luftige rock oder jupe eifach über d chnü halt und im h&m es oberteili no gfunde dezue so beige mit wiitrote blueme glaub druffe...ich duens dänn fötele *gg*
und für d livia hani sones blüemli kleid kauf au im h&m so helltürkis mit rosarot und wiss so chli typ romantico das wo obercool kitsschig schrecklich gsi wär und sogar vo 50.- uf 24.90.- abegsetzt gsi wär hät mis töchterli gfunde, dass dä stoff chratzt :-/
muesch hüt lang schaffe?
min arbetskolleg hät wieder (wie gestert scho) spontan am namittag frei gnoh min chef hät eh frei will er grad papi worde isch also hüeti allei s büro und s isch mega langwiilig ...

oohhh hör uf. min chef isch am zügle. mini kollegin isch ds madrid und ich bi de löl füre rescht. aber eigentlich hemmer nüt ds tüe, jedefalls ich nid.
jetzt isch no die leuthard chef worde bi üs, mir sind ja beiden departement unterstellt, also hei mir zwei wiiber.
halte gaaaar nüt vo so emanzeseich...*kicher*.
das tönt ja guet mit dene chleider. muesch würklich es bildli mache. find ich luschtig, d'livia. gseh grad d'satine, die hätt sich sicher au gweigeret.
muess no lang hie umelümmle...bäää..isch sooo längwilig.
jetzt hani gmeint: hüsli..es neus hüsli. aber du meinsch ja ferie!!!
mexico het ebe es gaaaanz es geils hotel. ich schick dir mal dr link zum luege.
hei du, isch im oktober d'toskana no warm? mini muetter het drum da öpis vorgschlage. aber i kenne d'toscana gar nid.
wie isch s'meer? und was wär ds empfehle.
grüessli
simone

muen würklich föteli mache :o) aber s andere wo sie ebe gfunde hät das dä stoff chratzed das wär dä hammer gsi ...hetti grad no für wiehnachte chönne bruche pfff
nei du ja das wärs no es neus hüsli he he nei nei für d ferie :o)
also toskana hät grad letscht wuche d frau vo mim brüeder (sie wohned ja ide toskana) gmeint d italos badet bis endi September wänns en schöne warme monet sig...
Schön isch es bi livorno / pisa umenand häts schöni stränd au isch castellione dela pescaia (oder so ähnlich gschribe) mega friedlich!
s meer isch eigentlich suber sicher viel süüberer als uf dr andere siite idr adria!
mensch jetzt hani krüzschmerze bim sitze das nervt...wirde jetzt chli umelaufe und mir en plan mache wie ich die ganz chilefiir mit dä livia überstahne ...also ich han gseit ich hocki irgendwo bim usgang ide nöchi und wänn sie theater macht dänn hauis veruse (halte sälber eh au nöd viel vo dem hochzitsgeplänker bis euch der tod scheidet bla bla :)
aber warschinli wird sie eh vo mine verwandte in beschlag gnoh hockt irgendwo anderst ide chile nöd bi eus macht theater dä chris dräiet im rote hi hi uuuui wird mir ja en glatte alass..bin nämmli nöd so für chind anes hochzit mitnäh aber ebe für die verwandte mueni fast oder ich het nöd dörfe ufchrüze ohni livia .
wie lang muesch dänn blibe? händ ier fixi büroziite?
ich gange dänn am halbi foifi glaub langsam ... eifach da hocke nervt mi und ich hett soviel föteli zum ichläbe dihei aber das chani im büro ja schlächt mache *grummel*
grüessli
nadja

neinei, hei nid fixi bürozite. aber ich mue ja uf mini stunde cho! ha drum grad alles vo der überzit für d'ferie bruucht.
weisch mir würdet au wieder i d'türkei, isch würklich genial gsi. aber ich han derte so megausschalg übercho vo de sunne. das heisst, ich weiss scho, dass ich dert sehr gfährdet bin. und so krass hani das no nie gha. und deshalb si mir nid sicher öb mir nomal der häre wettet. isch aber super dert.
hmm, ich würd entweder du oder de chris usegha während der trauuig. hani mit der satine denn au so gmacht. nur schnäll am afang dinne und denn use. wölls mini fründin isch gsi, isch de marc use und ich ha das megazügs gloset (de isch im fall megasexistisch gsi, de pfarrer: vo wäge, au wenn dir die frau nid gfallt, sie wird dir denn gfalle, au wenn du no nid z'fride bisch, sie wird sich apasse..voll denäbe).
also, du bisch wahrschinli scho gange..
i blibe no es halbs stündli
lg
simone