Guets Mörgeli
Oh das isch müehsam zmitzt ide Nacht ufwache und nümm chönne ischlafe ich hoffe, dass das sich bald wieder iipändlet!
Gäll das isch mängisch scho chli Rumschiff-Technisch Spacig isch mer doch erst grad no am Meer ghöcklet und scho isch mer wieder back im Alltag ... also ich wür mitchoo han das Wätter da satt!!! Als wiederguetmachig erwarti das es im Oktober und November täglich 25 Grad warm isch *grummel*
Em raserli gahts em strample aaa dänki guet es kickt und boxt mi regelmässig vor allem am Morgä und am Abig. Ich sälber fühl mi eigentlich fit ussert dasi wieder innebiige chönnt wie es verfrässnigs Monster :( zum Glück hämmer en andere Znüniwage wo nümm is Büro ufechunnt so müessti use is chalte nasse Wätter öpis go hole und das machi nöd :O)
Nimme brav mis Birchermüesli mit, isse Frücht, Rüebli und so gschmeus und am Namittag chömmed dänn d Maltesers und d M&M`s draaa *schäm*
Han bi dä Livia bis zu dä 27.SSW 12kg zuegnoh gha und ich glaub dasmal chumi au dra here....han ghofft dasi im heisse Summerwätter nöd mag ässe ha ha aber das ja immer rägnet chan mer ja nöd anderst oder es wird no heiss und dänn blibts bi dene 12kg ha ha
D Ziit vergaht mega schnäll aber für mich momentan nöd gnueg schnäll irgendwie han ich dasmal viel meh dä drang nach mim eigenen Körper für mich wieder z haa es fallt mir viel schwerer kei rohs Fleisch z ässe, usw. blange mängisch megamässig uf dä September wott wüsse wies usgseht und wie d Livia reagiert bin eifach grausam ungeduldig...debi hani dänkt dasi die SS ganz fest und intensiv gnüsse möcht und muen ... gaht aber irgendwie eifach nöd *schnief*
So...das wäred paar news und Gfühlslage usem chipsi kapitel gsii hoffe ich heg dich nöd glangwiilet !
Muen jetzt schnäll en seich woni gmacht han behebe, Backup Job vo allne Server glöscht *zitter*
Bin nachher wieder zrugg!
Und bi Eu uf wänn händer d Wohnig kündet und d Kita? Isch sicher spannend jetzt gaht öppis oder ? Freusch di?!
Liebs Grüessli
Nadja 23+5