Hoi guets mörgeli
He he ja tönt sehr typisch das mit Dim Schatz dä Grüsch und dä Liinwand *gg* cool wird sicher en tolle Abig!
Bini stolz uf Dich wägem Gmües :) d Manne werdet eh d Nase rümpfe aber d Fraue sich druf stürze *gg*
Läck bisch ja richtig flissig gsi du!
Falls no Lust und Ziit häsch zum Gmües rüste *fg* dänn wär zur Vorspiis en Gmüesdipp fein mit Creme Fraiche oder so mmmh
Ich schiebe hüt hoffentlich e ruhigi Chugele min Chef isch immer no ide Papi Ferie und min Arbetskolleg hät vorher telefoniert obs mir glich sig wänn er frei nimmt er sig müed vom Fuessballluege tzzzz die arme Manne :) jetzt hoffi, dass hüt nöd viel passiert und ich dä Lade allei schmeisse chan *holzalang*
Gäll im Büro chan mer sich no guet sammle für e Posti liste viel besser als Dihei wo immer öpert driifunket und mer dänn d Hälfti vergisst :o) mache amigs sogar dä Menu-Plan für die ganz Wuche im Büro dezue grad d Postiliste he he
Also bis nachher muen schnäll go luege ob alles gsicheret worde isch letscht Nacht!
Liebs Grüessli
Nadja

Leck ja d'Manne sind scho mimosene wenni denke dass ich chum e Nacht han wo länger als 6 Std dured und meistens no unterbroche also ehrlich aber ebe s'starchi Gschlecht *sfg*.
Wow Hut ab du machsch en Menüplan... uiiii das findi mega cool aber ich hätti kei Idee so für e ganzi Wuche, es stinkt mer ebe au langsam mit em Nachtesse weiss nie was mache und im Summer isch bi eus immer ganz eifach und meistens chalt (ussert Pizza oder Schinkegipfeli wenni schaffe) und irgendwie chan mer so wenig variere.... findi eh muehsam z'wüsse was choche.
Ja das mit em Dipp wär voll läss aber jetzt hani die Bruschetta vorgseh und no Tortilla-Chips aber bin no nöd uf e würkli gueti Sauce, han kei Lust uf Guacamole... häsch en Tipp ;o) Ach für was das Forum alles guet isch hihi.
Du han no überleit wegs dä Livia und en Pisi, weisch es git Windelhösli mit herzige Figurli druf lahn sie doch öpis ussueche den zieht sie die viellicht ja ah und für is Auto chasch ja die Fixies (Coop) Wickelunterlage in Sitz tue das sind söttig zum wegschmeisse hani emig debi wenn mer neumeds hi gönd wo kei Wickeltisch vorhande sind. Und im Auto nöd z'viel z'trinke geh...
Und alles klar im Büro hihi cool so allei gäll ich bin ebe au allei und gange wahrschindli am 11i go poste und den no dä Wii go chuel stelle Hei (ebe Manne chasch gar nöd druf zähle... zzzzzhhh han sogar hüt am Morgä no s'Bierfässli in Brunne gschmisse (Kuehlschrank zchli hihi).
Ah und cool hüt Mamiusgang wär würkli au gern mal debi...
Also hoffentli bis spöter da vergaht d'Ziit schneller.

Also dä mitem Menue-Plan isch gar nöd so schwierig ehrlich!
Ich würklich viel müehsamer am Abig amel vorem Küehlschrank z stah und z studiere was d jetzt mit dä vorhandene War chöntisch zämechoche!!! Vor allem gaht so au zimmli nüt kaputt willd ja alles für öpis bruche chasch :o)
Menuplan hani amigs au Tipps drignoh vom Topfgucker da im Forum und ich nimme grad jetzt au no din guete Tipp ine mit dä Schinkegipfeli jawoll :) mache nämmli jetzt wos heiss isch eh meistens nume Salat und öpis dezue z.B es dicks Omelett mit Herdöpfel und Schinke drin oder Pizzastückli oder es Stuck Fleisch oder Herdöpfel und so chli ...
Muen mini süsch mal all abtöggele und die woni gspeicheret han dir schicke ... weisch machi amigs au Kombi Menue wänns z.B am Zistig Gschwelti git chochi extra meh Herdöpfel und dänn gits am nöchste Abig ebe brötleti Herdöpfel mit Ei und Schinke oder so ... würklich praktisch! Min Schatz weiss dänn so au was es amigs z Nacht git und lueget das er ide Kantine nöd s gliche isst das isch früehner au viel vorcho und hät mi sehr gnervt ich han Pizza gmacht er chunnt hei und meint ou hani scho zum zmittag gha tzzz
*grööhl* ja ebe gäll was würdet die Manne ohni üs Fraue mache jetzt bisch du fürs Grill zügs zueständig und muesch au no s Getränk go chüel stelle hei ei ei :)und am Abig wird eifach hinderegleert und keine fröggt sich wer wohl as chüele vo dä Getränk dänkt hät din Schatz schänkt usgiebig us und all findet ihn en coole Gastgeber *chlliübertriibetuengäll* aber weisch wasi mein :o)
Sägs nöd Mami usgang söttsch jetzt au mal debii si...und mir sind dich immer nonig go bsueche...:(
Die Fixies Unterlage känni! Das isch en super tip und das machi au so! Häsch die no zuegschnitte oder eifach inegleit und chli zämegleit?
Windelhösli lueget sie als Windle aa und bislet eifach drii... duenere glaub Binde chaufe *meegagrööhl* pff stell der mal vor *gg* oder slipiilage hi hi
Nei das chunnt glaub scho guet und süsch isch au glich irgendwänn spötischtens mit 5i wott sie sicher kei Windle meh im Momänt laufts tiptop bin gspannt wies mit mim Schatz hüt klappet han en bätte hüt au dä ganz Tag ohni Windle durezzieh hät er mich chli komisch aglueget und gmeint dänn gäch er aber nöd usem Hus hi hi ja ja dä macht das scho :o)
Wäg dä Sosse s git doch im Migros bi dä Tortilla-Chips so Sosse-Gläser eis Medium-scharf und es Hot so Tomatezeugs die sind no fein süsch nimmsch vo Barilla oder Dolmio es Glas Tomatesugo :o) Creme Fraiche find ich persönlich au yammy zu dene Chips! Chasch ja nochli Schnittlauch drischnäffle...
Machsch dänn chli Föteli vo eure Party gällè!Zumindest wie s Partyareaal usgseht :)
Läck dasmal froi mi viel meh und viel extremer uf d Ziit nachem schwanger sii woni eifach wieder chan es Bierli trinke ... bringe jetzt eifach fast nüt me so zeugs abe isch ja guet so bin froh drübert obwohl gluste tuets mi unheimlich muen dänn aber grad as Baby dänke und bring fast känn schluck abe Bier wär ja gar nöd so schlimm....rauche gaht au nümm *jubelundfreu* han bis vor 1 Wuche amigs am Abig nochli pseudomässig wänn d Livia im Bett gsi isch verusse no eis graucht gaht aber sit em Samstig eifach nümm *stolzbin*
so jetzt holi mal heiss wasser für min SS-Tee isse mis sälbergmachte Birchermüesli und freu mi uf Din Text isch würklich cool mit Dir chli z schriiberle ...

mich mal schnell auch einmische, da ich zugegebenermassen fremdgelesen habe
das mit dem menuplan mache ich auch seit einiger zeit und findes das obercool. erstens muss man nicht dauernd überlegen was kochen, man hat alles immer zur hand und kann durch gezieltes einkaufen richtig gut kosten sparen.
wir könnten die listen ja immer ende woche austauchen. wäre das nicht eine gute idee?
lg astrid

Hallllloooo
Du zerst mal sorry aber ich han gestert ganz vergesse min Schatz z'fröge wegs dä Date.... hole das am Wucheendi nah okay? Ja also ich wär froh um eui Listene hihi mache aber selber (no) keini... wär aber per Mail wahrschindli besser. LG und Bösi Du fremdlesisch hihi (machi emig au)

Hoi Du
Ja klar können wir das machen! Hab das eine Zeitlang mit karin (karinsche) zwecks Diät-Gesund-Essen gemacht war super, so hatte man immer wieder neue Ideen :o)
Schick mir bitte Deine E-Mail Adresse übers Profil ich antworte Dir dann...
@shiny
Machsch au mit? Chasch mir bitte Dini E-Mail Adrässe au schicke finde sie nümm :(
Bisch au am schaffe?
LG
Nadja

hallo nadja
mailadresse habe ich dir zugestellt.
lg astrid

hoi
okay sende dir den menueplan gleich...
LG
nadja

Hihi cool genau wie Du alles beschriebsch so empfindis ebe mengisch au. Gestert Abig isch no em Jan sis Gotti cho mit ihrem Fründ (dä hät ghulfe Beamer ufstelle) und den sind mer allei gsi und händ au so ähnlich pläudereled isch grad schad gsi wo d'Manne zrugg cho sind hihi... und sie isch ebe hüt Abig au bi Eus, beid Gottis und no es Päärli und ev. min Bruetsch und Daddy (ja du die zwei vermissed mis Mami hihi findi läss sie isch ja in Frankfurt für insgesamt 1 Monät und huetet döt s'Maiteli vonere Fründin wo im WM-OK isch) weisch finds emig cool wenn min Daddy seit läck da gseht mer was s'Mami alles macht... hihi Klar machi es paar Föteli hoffe es segi au würkli warm und nöd z'fest Biise... übrigens die Töpfli mit der sauce findi ebe eifach alles schmöckt glich aber das mit dä Creme fraîche hani au scho denkt machi glaub. Jajaja schick mer mal dini Menüplän cool! Und das wegs dä Binde *michkrümmvorlache* dass gaht nöd nei im Ernst will die Maiteli mached z'grossi Bisi und wenns ebe den so Unfallmässig chunt den chunts grad mega fest wills ja ebe nüme verhebed... würkli da muesch dich uf viel Bisi gfasst mache, bi eus händ ebe die Hösliwindle mengisch nöd mal chöne alles ufsuuge und ich glaub drum ischs au schnell gange d'Sofia hät das ja den gruusig gfunde und ich han immer erklärt ebe will s'Bisi isch z'gross für Windle... hihi aber ich glaub das chunt guet und weisch wenns e Phase händ wos lieber wieder Windle wend würis scho sege nei los isch viel bequemer ohni aber wenn sie würkli will sie lah will sust wött sie den gar nüme. D'Sofia hät immer s'grossi Gschäft i dä Windle welle hät den gseit sie welli e Windle muessi Gaggi mache... hani den au so lah mache.
Und wegs em Bierli trinke und rauche isch ja super so, obwohl ich eini bin wo findet ab und zue es Gläsli Wii (han Bier nöd gern) schadet nöd würkli ich han mir das also scho gönt bime feine Esse oder so, aber rauche.... hmmmm hihi.
Du sind die Text da begrenzt hahaha sust bini jetzt den shco drübert hihi... also schicks mal ab