@chipsi

hei merci für dis megamail! letscht nacht isch vo beidne site ruhig gsi. d'satine isch eigentlich sehr e gueti schläferin gsi, bis ebe, der niccolo da isch gsi. sie het so oder so müeh mit weniger ufmerksamkeit, das muess ich eifach zuegäh. gibe mir zwar müeh, aber ebe.
ir nacht het sie ja niiiiieee zu üs wölle! ja nid. isch immer unwohl gsi und es het sich ersch jetzt ghüft, dass sie zu üs ins bett wott. und vorletscht nacht het sie komplett düredräit und brüelet und gschroue sie wölli jetzt is mammi-bett! kenne mir gar nid vo ire! ich finds zwar nätt, mal echli zueneigig ds übercho, aber ich dänk leider, das isch weniger zueneigig als en absolute spliin!
und denn dänk ich mängisch a euch, wo denn plötzlich immer wieder es chliises fägnäscht im bett heit gha! das wett ich denn gaaaaar nid öpe, wöll ich schlaf also sehr sehr mickrig mit der satine im bett *grmpf*.
a was es ligt, ich weiss es nid. aber d'satine isch sowiso sone ufgregte und energiegladne zwarg. mängisch chum ds halte und viel muess ich mit ihre schimpfe und viel muess si is zimmer (time-out). ich ha mir überleit, ob ich ihre nid mal so bachblüete verabreiche zum si echli obe abe hole und dass sie meh ids glichgwicht chunt. ihre und üs ds lieb. mir händ würklich müeh mit ihre.
wäg de zähn, kei ahnig. ich weiss äbe o nid wievil no fähled, han immer ds gfüehl sie heg alli! chrank nei, bi üs nid der fall. sonder ich glaub scho schlicht und eifach schlächt tröimt, chunt i dem alter viel vor.
hesch d'antworte uf mis postin gläse, da rede sie vo nachtschreck. han das vorher no nie ghört gha, gang mal go luege im internet. viellecht chönnt d'livia so öpis ha. weisch wenn sie ebe so vollkomme durenand isch.
(gäll närvt, wenn du ei schlächti nacht, nach der andere hesch und bi de grosseltere schlafe si dure und ersch no länger *närv*!)
also ich hoff sehr, dass sich das bi allne wieder echli normalisiert. wenns nur usnahmswis so isch, denn isch mir ja no wurscht!
liebe gruess und *streichel* an din buuch.
simone