Hoi Susanne
Jö danke fürs nahfrööge, hei isch super guet gange mit dene 3 kids!!! Han am fritig nachem schaffe die 3 in garte gschickt dä grösst hät uf die 2 mädels müesse ufpasse *gg* und sofort rüefe falls d Livia hetti welle devowatschle. Hät super klapped und ich bin schnäller zum choche cho als mit dä livia alleige will die mir immer am hosebei hanged und wott luege und hälfe :o)
znacht ässe hani dänkt wird meeega luut und es riese züüg aber nüt total friedlich und ruhig *staun*
s cousinli vo dä livia hät unbedingt bi dä livia im zimmer welle pfuse was ihre brüeder nöd cool gfunde hät dä hämmer mit 15min länger dörfe ufblibe bestoche und d livia hät mega freud gha ab ihrem cousinli im zimmer ... die hät aber nach 10min uf dä matratze ligge gfunde sie well zum mami sie sig truurig etc. dänn hani gseit sie chöng ja süsch mitem brüederli uf dä grosse matratze pfuse dänn sig sie wenigstens bi ihm das hät sie sofort agnoh aber d livia hät natürlich mega brüelet will s cousinli wieder usezüglet isch ... na ja und die zwei gschwüsterte händ natürlich wie ich früener im klasselager brav guet nacht gseit chum isch mer usem zimmer gsi händs gigelet und seich gmacht aber ich hans mache lah d livia hät im zimmer näbeddra scho lang pfused und nüt devo mitbecho also hani gfunde dörfed die zwoi scho s gfühl ha wer sie siged *gg* dänn sind so spieli cho vowäge mir händ durst, mir müend nomal ufs wc und am 21uhr hani dänn s letschte wort gsproche *gg*
die 2 händ am samstig morgä bis am 9 !!! ni pfused d livia natürlich am 7.30 hellwach gsi und die zwei welle wecke aber mir händs gschafft sie liislig bi üs im zimmer z bhalte.
mir sind dänn mit dene 3 is trampolino hämmer scho mal müesse s auto umbaue und ein sitz meh brucht will 3 kindersitz uf eim bank kei platz händ...also 3 chind bruched es speziells auto :o) dänn im trampolino hämmer müesse leer schlucke 40.- iitritt krass als family mit 3 chind sind so usflüg glaub eher luxus!
dörte händ die sich mega ustobed und dänn simmer no in mc doof so als krönende abschluss *schäm* und dörte hämmer grad nomal mit 3 happymeal und 2 erw menue fast 40.- ligge lah ... das hät üs am meiste erschreckt resp. wachgrüttlet das da dä unterschied ob 1 chind oder 3 em portemonnaie krass plündere tuet...
jedefalls händs es total lässig gfunde und händ natürlich bim sölle heigah gfunde sie welled nonig hei :o)
also mir würdets uf jedefall sofort wieder hüete die 3 sind irgendwie es dream-team wo total easy z händle isch aber ich weiss jetzt bestimmt das ich nie aber grad gar nie 3 chind möcht ha :o)
sorry isch jetzt grad chli usfüehrlich und lang worde....
wie gahts eu?
ich bin rächt k.o min schatz hät am weekend no piket dienst gha und vom sa uf dä so am 24uhr bis am 2.30uhr müesse go schaffe und hät drum am so schlaf brucht somit bin ich am sonntig abem 7.15uhr oder so uf gsi und han mit dä livia en flughaferundgang gmacht mit kafi und gipfeli und so :o)
freu mi nachher ufs bett!
also bis bald hoffentlich luege dasi au in zoo chan cho weiss aber nonig wieni schaffe.
glg
nadja